MDH Davlat rahbarlari kengashi 2026-yil 9-oktabr kuni Kaspiy dengizi bo'yidagi Turkmanboshi shahrida bo'lib o'tadi. Bu haqda Turkmaniston Xalq Maslahati raisi Gurbanguli Berdimuhamedov Rossiya Federatsiya Kengashi raisi Valentina Matviyenko bilan telefon orqali suhbat chog'ida ma'lum qildi, deb xabar beradi Turkmanistonning "Vatan" telekanali.

Berdimuhamedovning so'zlariga ko'ra, sammit yirik xalqaro tadbirlarni o'tkazish uchun zarur sharoitlar yaratilgan Avaza milliy turistik zonasida bo'lib o'tadi.

Xalq kengashi rahbari Turkmanistonning MDHga raisligi doirasidagi tadbirlarga, jumladan, Hamdo'stlikka a'zo davlatlar Parlamentlararo Assambleyasi yig'ilishiga, shuningdek, demografik masalalar bo'yicha xalqaro konferensiyaga tayyorgarlik ko'rish muhimligini ta'kidladi.

MDH davlat rahbarlarining avvalgi sammiti 10-oktabr kuni Dushanbe shahrida bo'lib o'tgan edi. Unda Rossiya, Ozarbayjon, Belarus, Qozog'iston, Qirg'iziston, Tojikiston, Turkmaniston va O'zbekiston rahbarlari, shuningdek, Armaniston Bosh vaziri ishtirok etdi. Turkmaniston 2026-yil 1-yanvardan MDHga raislik qiladi.