Mustaqil Davlatlar Hamdo‘stligi mamlakatlari Yaqin Sharqdagi vaziyat keskinlashgani munosabati bilan bayonot berdi.

Tashqi ishlar vazirliklari Isroilning Eronga qarshi harbiy amaliyotidan jiddiy xavotir bildirdi va tomonlarni mojaroni tinch yo‘l bilan hal qilishga chaqirdi.

Ozarbayjon nizoni diplomatik yoʻl bilan hal qilish va tinch aholi xavfsizligini taʼminlash zarurligini taʼkidladi.

Armaniston Isroilning Eronga hujumini qoralab, mintaqa barqarorligiga tahdid borligini ta’kidlab, zudlik bilan o‘t ochishni to‘xtatishga chaqirdi.

Belarus gumanitar falokat xavfidan ogohlantirdi va fuqarolariga mintaqaga sayohat qilmaslikni va u yerdagilarga ehtiyot choralarini ko'rishni tavsiya qildi.

Qozog‘iston va Qirg‘iziston mojaroni faqat siyosiy va diplomatik yo‘llar bilan hal etish tarafdori bo‘lib, tomonlarni maksimal darajada vazminlikka chaqirdi.

Rossiya Isroilning harakatlarini xalqaro huquqning qo‘pol buzilishi deb atadi, Eronning yadroviy infratuzilma obektlariga qilingan hujumlarni qoraladi va Eron yadro dasturi bo‘yicha muzokaralarga qaytishga chaqirdi.

Tojikiston xalqaro qonunlarga rioya qilishni talab qilib, Isroil zarbalarini qoraladi.

Turkmaniston kuch ishlatishga yo‘l qo‘yilmasligini ta’kidlab, o‘zining betaraflik maqomini eslatib, mojaroni faqat tinch yo‘l bilan hal qilishga chaqirdi.

O‘zbekiston vaziyatdan jiddiy xavotir bildirdi va yana keskinlashuv xavfi borligini ta’kidlab, tomonlarni zudlik bilan harbiy harakatlarni to‘xtatib, muzokaraga o‘tishga chaqirdi.

Barcha MDH davlatlarining umumiy chaqirigʻi harbiy harakatlarni zudlik bilan toʻxtatish va nizoni xalqaro huquq asosida hal qilish yoʻllarini izlash talabi boʻldi.