Markaziy bank ma’lumotlariga ko‘ra, 2024-yilda migrantlarning O‘zbekistonga pul o‘tkazmalari 14,8 milliard AQSH dollariga yetdi, bu 2023-yilga nisbatan 30 foiz ko‘pdir.

Mablag‘larning asosiy qismi, ya’ni 77 foizi yoki 11,5 milliard dollari Rossiyadan kelgan. Shuningdek, Qozog‘iston (795 million dollar), AQSH (577 million dollar), Janubiy Koreya (534 million dollar) va Turkiyadan (405 million dollar) sezilarli miqdordagi mablag‘lar kelib tushgan. Buyuk Britaniyadan 135 million dollar o‘tkazilgan bo‘lib, qolgan qismi boshqa davlatlardan kelgan.