Ostona, 2025-yil 7-iyun – Karavan Info axborot agentligi.Qozog‘iston Respublikasi Milliy muzeyida Dombra kuni va atoqli bastakor, dirijyor, Qozog‘iston xalq artisti Nurgisa Tlendiyev tavalludining 100 yilligiga bag‘ishlangan “Kumbirle, qo‘ng‘ir dombira!” deb nomlangan bayram kechasi bo‘lib o‘tdi.

Kechadan ko‘zlangan asosiy maqsad yosh avlod qalbida milliy o‘zlikning yorqin timsoli sifatidagi dombraga mehr tuyg‘usini uyg‘otish, ashula san’atining buyuk merosini, shuningdek, Nurg‘isa Tlendiyevning ijodiy yo‘lini keng targ‘ib etishdan iborat.

Bayram kechasida milliy musiqa san’atining eng sara namunalari yig‘ilganlar e’tiboriga havola etildi. Taniqli kuychi va do‘mbirachilar Nurg‘isa Tlendiyev hayoti va ijodi haqida iliq xotiralar bilan o‘rtoqlashdi. Ularning fikricha, dombra shunchaki cholg‘u asbobi emas, balki xalq ovozi, ajdodlar vasiyatidir.

Tadbirda “Dastur” folklor ansambli san’atkorlari, 1-bolalar musiqa maktabi o‘quvchilari, “Kumbir” dombra chalishni o‘rganish markazi tarbiyalanuvchilari hamda yosh iste’dod sohiblari ishtirok etdi. Ular kuy va xalq qo‘shiqlarini mahorat bilan ijro etishi bilan yig‘ilganlarni xushnud etib, samimiy olqishlarga sabab bo‘ldi, zalda o‘zgacha muhit yaratdi.

Foto: Qozog‘iston Respublikasi Madaniyat va axborot vazirligi matbuot xizmati