Shavkat Mirziyoyev respublikaning Jahon savdo tashkilotiga (JST) aʼzo boʻlish masalalari boʻyicha qolgan toʻqqiz davlat bilan ikki tomonlama muzokaralarni joriy yil oxirigacha yakunlash boʻyicha topshiriq berdi. Eslatib oʻtamiz, 2023-yildan buyon Oʻzbekistonning JSTga aʼzo boʻlishi boʻyicha Ishchi guruhning toʻrtta yigʻilishi oʻtkazilgan boʻlib, unda 500 dan ortiq masala koʻrib chiqilgan. 33 ta davlat bilan bozorga chiqish bo'yicha muzokaralar olib borildi, ulardan 24 tasi muvaffaqiyatli yakunlandi. Milliy qonunchilikni JST talablariga muvofiqlashtirish doirasida 13 ta qonun, 10 ta farmon va Prezident qarori, shuningdek, boshqa normativ-huquqiy hujjatlar qabul qilindi.

“Joriy yil oxiriga qadar qolgan 9 davlat bilan ikki tomonlama muzokaralarni yakunlash, ishchi guruhning yana ikkita yig‘ilishini o‘tkazish va ishchi guruhning yakuniy hisoboti loyihasini tayyorlashni yakunlash, shu orqali O‘zbekistonning JST doirasidagi xalqaro majburiyatlarini ta’minlash topshirildi”, — deyiladi xabarda.— deyiladi davlat rahbari matbuot xizmati xabarida.

Prezident 15 ga yaqin me’yoriy-huquqiy hujjatlarni qabul qilishni jadallashtirish zarurligini ham ta’kidladi. Oliy Majlis Qonunchilik palatasi bilan yaqin hamkorlikda “Oziq-ovqat mahsulotlarining sifati va xavfsizligi to‘g‘risida”gi hamda “Muhofaza choralari, dempingga qarshi va kompensatsiya to‘lovlari to‘g‘risida”gi qonunlarning yangi tahririni ishlab chiqish shular jumlasidandir. Texnik jihatdan tartibga solish, sanitariya, fitosanitariya va veterinariya sohalarida olib borilayotgan islohotlar, shuningdek, ushbu sohalarda kadrlar tayyorlash sifatini oshirishga alohida e’tibor qaratildi. O‘zbekiston JSTga a’zo bo‘lish uchun 1994-yilda ariza bergan va 2026-yilda Kamerunda bo‘lib o‘tadigan 14-JST vazirlar konferensiyasigacha a’zo bo‘lish jarayonini yakunlashni rejalashtirmoqda.