O‘zbekiston Prezidenti Shavkat Mirziyoyev 27-yanvar kuni Belarus Prezidenti Aleksandr Lukashenko bilan telefon orqali suhbatlashib, uni prezidentlik saylovlaridagi ishonchli g‘alabasi bilan tabrikladi. Suhbat davomida O‘zbekiston rahbari saylovchilarnining yuqori darajadagi ishtiroki va ovoz berish natijalari Belarus xalqining amaldagi davlat rahbariga bo‘lgan katta ishonchini, shuningdek, uning siyosiy yo‘nalishi va islohotlarini keng qo‘llab-quvvatlanayotganini ko‘rsatishini ta’kidladi.

Muloqot chog‘ida tomonlar ikki tomonlama hamkorlikni yanada rivojlantirishning muhim masalalarini muhokama qildilar. O‘tgan yil fevral oyida Aleksandr Lukashenkoning O‘zbekistonga tashrifi davomida erishilgan kelishuvlarni amalga oshirishga alohida e’tibor qaratildi.

2024-yilda ikki mamlakat o‘rtasidagi tovar ayirboshlash hajmi 700 million dollardan oshgani iqtisodiy aloqalarning jadal rivojlanayotganidan dalolat beradi. Davlat rahbarlari sanoat sohasidagi qo‘shma loyihalarni jadallashtirish, ishbilarmonlik va hududlararo aloqalarni mustahkamlash, shuningdek, madaniy-gumanitar hamkorlikni kengaytirish muhimligini ta’kidladilar.

Bundan tashqari, bo‘lajak tadbirlar jadvali ko‘rib chiqildi.