Bugun, 21-iyul kuni Mo‘g‘uliston Prezidenti Uxnaagiin Xurelsuxning Qirg‘iziston Respublikasiga davlat tashrifi doirasida qirg‘iz-mo‘g‘ul qo‘shma hamkorligini oshirishga qaratilgan qator ikki tomonlama hujjatlar imzolandi.

Qirg‘iziston Prezidenti Sadir Japarov va Mo‘g‘uliston Prezidenti Uxnaagiin Xurelsux Qirg‘iziston Respublikasi va Mo‘g‘uliston o‘rtasida har tomonlama sheriklik o‘rnatish to‘g‘risidagi qo‘shma deklaratsiyani imzoladilar.

Bundan tashqari, quyidagi hujjatlar imzolandi:

1. Qirg‘iziston Respublikasi va Mo‘g‘uliston o‘rtasida ekstraditsiya qilish to‘g‘risidagi shartnoma.

2. Qirg‘iziston Respublikasi Vazirlar Mahkamasi va Mo‘g‘uliston Hukumati o‘rtasida milliy haydovchilik guvohnomalarini o‘zaro tan olish va almashtirish to‘g‘risidagi bitim.

3. Qirg‘iziston Respublikasi Tashqi ishlar vazirligi va Mo‘g‘uliston Tashqi ishlar vazirligi o‘rtasida 2026-2027 yillarga mo‘ljallangan hamkorlik dasturi.

4. Qirg‘iziston Respublikasi Suv xo‘jaligi, qishloq xo‘jaligi va qayta ishlash sanoati vazirligi va Mo‘g‘uliston oziq-ovqat, qishloq xo‘jaligi va yengil sanoat vazirligi o‘rtasida junni qayta ishlash sohasida hamkorlik to‘g‘risidagi memorandum.

5. Qirg‘iziston Respublikasi Madaniyat, axborot va yoshlar siyosati vazirligi va Mo‘g‘uliston Madaniyat, sport, turizm va yoshlar vazirligi o‘rtasida madaniyat sohasida o‘zaro anglashuv va hamkorlik memorandumi.

6. Qirg‘iziston Respublikasi Raqamli rivojlanish vazirligi va Mo‘g‘uliston Raqamli rivojlanish, innovatsiyalar va kommunikatsiyalar vazirligi o‘rtasida o‘zaro anglashuv memorandumi.

7. Qirg‘iziston Respublikasi Prezidenti huzuridagi Strategik tashabbuslar milliy instituti va Mo‘g‘uliston xavfsizlikni o‘rganish milliy instituti o‘rtasidagi hamkorlik memorandumi.

8. Jusup Balasagin nomidagi Qirg‘iziston Milliy universiteti va Mo‘g‘uliston davlat universiteti o‘rtasida hamkorlik memorandumi.

9. Qirg‘iziston Respublikasi Prezidentining Qirg‘iziston Respublikasining Norin viloyatidagi vakolatli vakili apparati va Mo‘g‘ulistonning Darxon-Uul viloyati ma’muriyati o‘rtasida hamkorlik to‘g‘risidagi memorandum.

10. Qirg‘iziston “Kabar” milliy axborot agentligi va Mo‘g‘uliston milliy axborot agentligi “Monsame” o‘rtasida o‘zaro anglashuv memorandumi.

11. Qirg‘iziston Respublikasi Milliy Fanlar akademiyasi va Mo‘g‘uliston Fanlar akademiyasi o‘rtasida ilmiy hamkorlik to‘g‘risidagi bitim.

12. Qirg‘iziston Respublikasi Milliy fanlar akademiyasining B.Djamgerchinov nomidagi Tarix, arxeologiya va etnologiya instituti va Mo‘g‘uliston Fanlar akademiyasining Arxeologiya instituti o‘rtasida hamkorlik to‘g‘risidagi shartnoma.

13. Qirg‘iziston Respublikasi Milliy teleradiokompaniyasi va Mo‘g‘uliston milliy televideniyesi o‘rtasida o‘zaro anglashuv memorandumi.