2025-yilning 23-25-iyun kunlari Mo‘g‘ulistonning Ulan-Bator shahrida O‘zbekiston madaniyati kunlari bo‘lib o‘tadi, unda bir qator qizg‘in madaniy tadbirlar o‘tkaziladi. Tashabbuskor O‘zbekiston Respublikasi Madaniyat vazirligi bo‘lib, uning delegatsiyasiga Madaniyat vazirining birinchi o‘rinbosari Bahodir Ahmedov boshchilik qiladi. Tashrif doirasida Mo‘g‘uliston Madaniyat, sport, turizm va yoshlar ishlari vazirligi rahbariyati bilan uchrashuv bo‘lib o‘tdi. Tomonlar madaniyat kunlarini yuqori saviyada tashkil etish, shuningdek, ikki davlatning tegishli idoralari o‘rtasida hamkorlik dasturini tayyorlash masalalarini muhokama qildilar.Madaniyat kunlarining asosiy tadbirlari quyidagilardan iborat:

• Moʻgʻuliston milliy opera va balet teatri sahnasida oʻzbek sanʼat ustalarining gala-konserti;
• O‘zbekiston tarixi va madaniy merosiga bag‘ishlangan ko‘rgazma;
• O‘zbekiston va Mo‘g‘uliston Madaniyat vazirliklari o‘rtasida rasmiy uchrashuvlar va muzokaralar.

Eslatib oʻtamiz, avvalroq, 2024-yil iyun oyida Toshkentda Oʻzbekiston va Moʻgʻuliston sanʼat ustalarining qoʻshma konserti boʻlib oʻtgani mamlakatlar oʻrtasidagi madaniy aloqalarni mustahkamlashda muhim qadam boʻlgan edi.