30-yanvar kuni Prezident Shavkat Mirziyoyev Toshkent shahrida Islom Karimov haykali poyiga gullar qo'ydi.

Tarixiy xotira millat kelajagi uchun mustahkam poydevordir. Birinchi Prezident Islom Karimovning Oʻzbekiston mustaqil davlat sifatida shakllanishiga va mamlakat davlatchiligi poydevoriga qoʻshgan bebaho hissasi chuqur hurmat va minnatdorchilik bilan yodga olinadi.

Davlatimiz rahbari Shavkat Mirziyoyevning tashabbusi va e'tibori tufayli Birinchi Prezidentimiz xotirasi abadiylashtirildi va Samarqandda uning maqbarasi qurildi. 30-yanvar, Islom Karimovning tug'ilgan kunida xotira tadbirlarini o'tkazish yaxshi an'anaga aylandi.

Marosim davomida Qur'on oyatlari va duolar o'qildi. Birinchi Prezidentimizning Vatan manfaatlari yo'lidagi faoliyati va insoniy fazilatlari haqida so'z yuritildi.

Islom Karimov nomidagi ilmiy-ma'rifiy yodgorlik majmuasida bo'lib o'tgan marosimda Oliy Majlis palatalari, Prezident ma'muriyati, hukumat vakillari, olimlar, madaniyat arboblari va jamoatchilik vakillari ishtirok etdi.

Birinchi Prezidentimiz xotirasi Samarqand va Qarshi shaharlaridagi haykallariga gullar qo'yish orqali ham yodga olindi.

Manba: uzembassy.ru