9 may kuni O‘sh shahrida Ulug‘ Vatan urushidagi G‘alabaning 80 yilligiga bag‘ishlangan bayram tadbirlari bo‘lib o‘tdi. Bu haqda Qirg‘iziston Mudofaa vazirligi xabar berdi.

Rasmiy maʼlumotlarga koʻra, bayram Oʻsh shahrining markaziy maydonida boʻlib oʻtgan. Tadbirda Mudofaa vaziri o‘rinbosari – Janubi-g‘arbiy tezkor qo‘mondonligi qo‘mondoni polkovnik Almazbek Karasartov, Qirg‘iziston Respublikasi Prezidentining O‘sh viloyatidagi muxtor vakilining birinchi o‘rinbosari Qurmanbek Aytiboyev, O‘sh shahar hokimi Jenishbek Toktorboyev, Qurolli kuchlar faxriylari, shuningdek, harbiy xizmatchilar ishtirok etdi.

Tadbir doirasida “Mangi alanga” yodgorlik majmuasiga gulchambar qo‘yilib, O‘sh shahar madaniyat boshqarmasi tomonidan bayram konserti tashkil etildi.

Shuningdek, To‘qto‘g‘ul Satilganov nomidagi istirohat bog‘ida faxriylar uchun “Harbiy dala oshxonasi” tashkil etilib, mehmonlarga an’anaviy askarlar taomlari tortildi.

Eslatib o‘tamiz, Ulug‘ Vatan urushi yillarida O‘sh shahridan 14 621 nafar harbiy xizmatga chaqirilgan bo‘lib, shundan 3 118 nafar askar halok bo‘lgan, 401 nafar harbiy xizmatchi bedarak yo‘qolganlar ro‘yxatida.