O‘sh shahrida Ko‘kum-biy ko‘chasidagi avtomobil bozorini kapital rekonstruksiya qilish ishlari yakunlandi – ob’ekt to‘liq ta’mirlanib, foydalanishga topshirildi.

Ochilish marosimida O‘sh shahar hokimi Jenishbek Toktorboyev, shahar Kengashi raisi Bolot Baetov va shahar aholisi ishtirok etdi. Tadbir mehmonlari uchun madaniyat xodimlari ishtirokida konsert dasturi tashkil etildi.

Avtomobil bozori hududidagi kapital ta’mirlash ishlari doirasida avtomobillar to‘xtash joylari to‘liq yotqizildi, ayvon va panjaralar o‘rnatildi, umumiy ovqatlanish shoxobchalari, sanitariya inshootlari, ma’muriy binolar qurildi. Butun hudud himoya panjarasi bilan o‘ralgan, kirish qismida avtomatik to‘lov tizimi o‘rnatilgan.