Ikki xorijiy aviakompaniya O‘zbekistonga muntazam qatnovlarni amalga oshirishga ruxsat oldi. Misrning Red Sea Airlines aviakompaniyasi va Janubiy Koreyaning T’way Air arzon aviakompaniyasi endi Toshkentga parvozlarni amalga oshirishi mumkin.

Red Sea Airlines aviakompaniyasi 4-fevral kuni Sharm-al-Shayx — Toshkent — Sharm-al-Shayx yo‘nalishi bo‘yicha parvozlarni amalga oshirish uchun rasmiy ruxsatnoma oldi. Parvozlar Boeing 737 samolyotlarida amalga oshiriladi. Qaror Misr va O‘zbekiston o‘rtasidagi havo qatnovi to‘g‘risidagi hukumatlararo bitim asosida qabul qilindi.

Avvalroq, 3 fevral kuni Janubiy Koreyaning T’way Air aviakompaniyasiga ham xuddi shunday ruxsatnoma berilgan edi. Endilikda aviakompaniya Seul va Toshkent o‘rtasida Airbus A330 laynerlarida muntazam parvozlarni amalga oshirishi mumkin.