Kranyuning Brdo shahrida Sloveniya oliy rahbariyati tomonidan tashkil etilgan diplomatik korpus uchun an’anaviy yangi yil qabuli bo‘lib o‘tdi. Tadbirda O‘zbekistonning Sloveniyadagi elchisi (qarorgohi Budapeshtda) Oybek Shaxovdinov ishtirok etdi, deb xabar bermoqda “Dunyo” AA.

Qabul doirasida O‘zbekiston diplomatining Sloveniya Prezidenti Natasha Pirs Musar, Bosh vazir Robert Golob va Bosh vazir o‘rinbosari, tashqi ishlar vaziri Tanya Fayon bilan uchrashuvlari bo‘lib o‘tdi.

Tomonlar ikki tomonlama hamkorlikni mustahkamlashdan o‘zaro manfaatdor ekanliklarini bildirdilar. Savdo-iqtisodiy aloqalar va madaniy-gumanitar hamkorlikni kengaytirish istiqbollari muhokama qilindi. Ikki mamlakat o‘rtasidagi o‘zaro anglashuvni chuqurlashtirish va sheriklikni mustahkamlashga xizmat qiladigan turli darajadagi tashriflarni tashkil etish rejalariga alohida e’tibor qaratildi.