O‘zbekistonda yo‘l harakati qoidalarini buzganlik uchun jarima ballarining ruxsat etilgan miqdoridan oshib ketganda ma’muriy javobgarlikni nazarda tutuvchi yangi qonun kuchga kirdi. Endi har bir qoidabuzarlik uchun haydovchilarga asosiy jazoga qo‘shimcha ravishda ball beriladi, ammo bir qoidabuzarlik uchun ikki balldan oshmaydigan miqdorda.

Ballar birinchi qoidabuzarlik sodir etilgan kundan boshlab bir yil davomida amal qiladi. Agar shu davr ichida haydovchi 12 balldan ko‘p to‘plasa, oxirgi qoidabuzarlikning og‘irligiga qarab kamida olti oyga haydovchilik guvohnomasidan mahrum etiladi.

Bundan tashqari, qonun yo‘lovchi tashish qoidalarini buzganlik, noto‘g‘ri quvib o‘tish, yo‘lda jahldorlik, shuningdek, gaz bilan ishlaydigan transport vositalaridan foydalanishda xavfsizlik me’yorlariga rioya qilmaslik uchun jazo choralarini belgilaydi. Yana bir yangilik — huquqni muhofaza qiluvchi organlar xodimlarining obro‘siga putur yetkazishi mumkin bo‘lgan foto va video materiallarni tarqatganlik uchun javobgarlik joriy etildi.

Манбаъ: https://caravan-info.uz