O‘zbekiston Jahon savdo tashkilotiga (JST) a’zo bo‘lish masalalari bo‘yicha ikki tomonlama muzokaralarning navbatdagi bosqichini yakunladi. Bu haqda O‘zbekiston Prezidentining JST masalalari bo‘yicha maxsus vakili Azizbek O‘runov o‘zining LinkedIn sahifasida xabar berdi.

Muzokaralar olib borilgan mamlakat nomi aytilmagan bo‘lsa-da, O‘runov muhokamalar juda qizg‘in ruhda o‘tganini, biroq muvaffaqiyatli yakunlanganini ta’kidladi. “Biz ko‘zlagan maqsadimizga erishdik,” — deya ta’kidladi u.

Bugungi kunga qadar O‘zbekiston 23 ta davlat, jumladan, AQSH, Xitoy, Fransiya, Italiya, Isroil, Braziliya, Filippin va Shri-Lanka kabi muhim mamlakatlar bilan muzokaralarni yakunladi.