O‘zbekistonning “Akfa Extrusions” kompaniyasi Malayziyaning “United Hydraulic” kompaniyasi bilan 10 million AQSh dollari miqdoridagi alyuminiy mahsulotlarini yetkazib berish bo‘yicha eksport shartnomasini imzoladi.

Eksport qilinadigan butlovchi qismlarga elektrotexnika, avtomobilsozlik sanoati hamda quyosh energetikasi kabi turli sohalarda talab yuqori.

Mazkur kelishuv O‘zbekiston va Malayziya o‘rtasidagi savdo-iqtisodiy hamkorlikni kengaytirish uchun yangi imkoniyatlar yaratib, o‘zbek mahsulotlarining xalqaro bozorlarga eksportini yanada oshirish istiqbollarini ochmoqda.