Ko‘rgazma chiqindilarni boshqarish, suvni tejash va qayta tiklanadigan energiya sohalarida global ekologik muammolarga javob berishga mo‘ljallangan innovatsion yechimlarni taqdim etadi. Ochilish marosimida so‘zga chiqqan Ekologiya, atrof-muhitni muhofaza qilish va iqlim o‘zgarishlari vaziri Aziz Abduhakimov mazkur tadbirning butun mintaqa uchun strategik ahamiyatini alohida ta’kidladi.

"Bu ko'rgazma—Bu nafaqat texnologiyalar namoyishi, balki hamkorlikni chuqurlashtirish uchun boshlang‘ich nuqtadir. O‘zbekiston Markaziy Osiyoda ekologik texnologiyalarni ilgari surish bo‘yicha mintaqaviy platformaga aylanishga tayyor”.— dedi vazir.

“Eco Expo Central Asia 2025” koʻrgazmasi innovatsiyalar uchun kuchli turtki boʻlishi, xalqaro hamkorlikni mustahkamlashi hamda iqlim va atrof-muhit muammolarini hal etish boʻyicha qoʻshma strategiyalarni ishlab chiqishga xizmat qilishi kutilmoqda. Tadbir o'z ishini davom ettirmoqda.