Toshkentda kattalar va yoshlar o‘rtasida aralash jang san’atlari (MMA) bo‘yicha jahon chempionati yakuniga yetdi. O‘zbekiston yosh jangchilari jamoasi medallar hisobida birinchi o‘rinni egallab, ajoyib natija ko‘rsatdi.

Musobaqa yakunlariga ko‘ra, yoshlar terma jamoasi a’zolari 4 ta oltin, 4 ta kumush va 10 ta bronza medalini qo‘lga kiritdilar.

Oltin medallarni Zafarjon Asatov (65,8 kg vazn toifasi), Mirjalol O‘rolov (97 kg), Muzayyana Sadriddinova (65,8 kg) va Xurshida Roziqova (79,4 kg) qo‘lga kiritdilar.

Kumush medallarni Firdavs Atamuradov (52,2 kg), Sarvarbek Hasanov (83,9 kg), Ra’no Nasriddinova (70,3 kg) va Mahliyo Abdumannopova (74,8 kg) qo‘lga kiritdilar.

Bronza medallarini esa Shohjahon Temirov (56,7 kg), Ilhomjon Borisov (61,2 kg), Suhrob Boymatov (65,8 kg), Islombek Quvonchiyev (88,4 kg), Yusufboy Ahmedov (93 kg), Mirzohid Sobirov (97 kg), Muhsinjon Mo‘minjonov (97 kg dan yuqori), Odinaxon Abdug‘aniyeva (65,8 kg), Shohsanam Amaniyazova (74,8 kg) va Xadichabonu Tursunqulova (79,4 kg) qo‘lga kiritdilar.