O‘zbekiston texnik jihatdan tartibga solish agentligi Osiyo taraqqiyot banki (OTB) vakillari bilan hamkorlikni kengaytirish istiqbollarini muhokama qilish maqsadida uchrashuv o‘tkazdi.

Muzokaralarning asosiy mavzularidan biri O‘zbekiston mahsulotlarining JSTga a’zo davlatlar bozorlariga kirishini ta’minlashda standartlarning ahamiyati masalasi bo‘ldi. Shuningdek, milliy qonunchilikni takomillashtirish uchun xalqaro ekspertlarni jalb etish, OTB tomonidan texnik yordam va grantlar ajratish, hamda texnik jihatdan tartibga solish sohasida mutaxassislar tayyorlash masalalari ko‘rib chiqildi. Yevropaning GSP+ imtiyozlar tizimiga alohida e’tibor qaratildi.

Agentlik “yashil” energetikani rivojlantirish, qurilish materiallari sifatini, elektrotexnika va energiya samaradorligini oshirishga mo‘ljallangan zamonaviy laboratoriyalar tashkil etish rejalarini taqdim etdi.