Joriy yilning boshidan 2024-yil noyabrigacha O‘zbekiston umumiy qiymati 9,6 million AQSH dollari bo‘lgan 125,2 ming tonna sabzi eksport qilgan. Bu ma’lumot EastFruit nashri tomonidan keltirilgan O‘zbekiston Statistika agentligi hisobotida aks etgan.

Mahsulotning eng katta qismi qo‘shni davlatlarga yetkazib berildi. Qozog‘iston 50,2 ming tonna o‘zbek sabzisini xarid qilib, eng yirik importchiga aylandi. Undan keyin Qirg‘iziston 41,7 ming tonna, an’anaviy ravishda asosiy hamkor bo‘lib kelayotgan Rossiya esa 30,5 ming tonna mahsulot oldi.

Belarus va Latviya ham xaridorlar safiga qo‘shilib, mos ravishda 1,2 ming tonna va 614 tonna sabzi import qildi. Qolgan 823 tonnaga yaqin mahsulot boshqa davlatlarga jo‘natildi.