2024-yilda O‘zbekistonda xaridorlarga jami 94,1 trillion so‘mlik 2 milliarddan ziyod elektron chek berildi. Bu marketpleyslar ma’lumotlar bazasining soliq idoralari axborot tizimi bilan samarali integratsiyasi tufayli amalga oshirildi.

Elektron cheklardan foydalanishni rag‘batlantirishga alohida e’tibor qaratildi. Xususan, Soliq mobil ilovasi foydalanuvchilariga 545,1 million dona chek berilgani uchun 248 milliard so‘m miqdorida keshbek hisoblandi.

Hozirgi kunda mamlakatda 201 ta marketpleys ro‘yxatdan o‘tgan bo‘lib, ular raqamli to‘lovlarni rivojlantirishga ko‘maklashmoqda. Ularning orasida 49 ta elektron to‘lov tizimi mavjud bo‘lib, shundan 34 tasi soliq tizimiga to‘liq integratsiya qilingan. Integratsiyalashgan tizimlar qatoriga 36 ta bankdan 33 tasining mobil ilovasi hamda 116 ta internet-do‘kondan 92 tasi ham kiradi.