O‘zbekiston va Afg‘oniston o‘rtasida tovarlar tranzitini yengillashtirish maqsadida bitim tuzildi. TOLONews xabar berishicha, bu qadam ikki tomonlama iqtisodiy munosabatlarni rivojlantirishda muhim ahamiyat kasb etdi.

O‘zbekistondan tashqari, Afg‘oniston Qozog‘iston va Turkmaniston bilan ham shunday bitimlarni imzolagani mamlakatning tashqi iqtisodiy hamkorlikni kengaytirishga bo‘lgan intilishini ko‘rsatmoqda.

2024-yilning yanvar-noyabr oylari davomida O‘zbekiston va Afg‘oniston o‘rtasidagi tovar aylanmasi deyarli 1 milliard dollarga yetib, o‘tgan yilning shu davriga nisbatan 215,8 million dollarga oshdi. Bu summaning 969,4 million dollari O‘zbekiston eksportiga to‘g‘ri kelgan bo‘lsa, Afg‘onistonning O‘zbekistonga eksporti hajmi 30,5 million dollarni tashkil etdi.