O‘zbekiston BAA kompaniyasi yordamida oziq-ovqat mahsulotlari sifatini nazorat qilishning milliy tizimini ishlab chiqishni rejalashtirmoqda. O‘zbekiston Respublikasi Investitsiyalar, sanoat va savdo vazirligining xabar berishicha, tomonlar oziq-ovqat ishlab chiqarish va xizmat ko‘rsatishda xavfsizlik hamda gigiyena standartlarini oshirishga qaratilgan keng qamrovli dasturni yaratish niyatidalar.

Dastur oziq-ovqat sanoati xodimlari, shuningdek tibbiyot, sayyohlik va transport sohalari mutaxassislarini o‘qitishni o‘z ichiga oladi. Bunday yondashuv nafaqat mahsulot sifatini yaxshilaydi, balki xalqaro bozorlarda o‘zbek tovarlariga bo‘lgan ishonchni ham oshiradi.