Italiyaning Rejo-Emiliya mintaqasida Namangan viloyatining Chust tumanida issiqlik izolyatsiya materiallari ishlab chiqarish bo‘yicha investitsiya loyihasini birgalikda amalga oshirish to‘g‘risida kelishuv imzolandi. Mazkur loyiha “Eko Bazalt” qo‘shma korxonasi va Italiyaning “Gamma Meccanica SpA” kompaniyasi hamkorligining natijasi bo‘lib, u O‘zbekistonning Italiyadagi elchixonasi hamda Namangan viloyati hokimligi ko‘magida amalga oshirildi.

Ishlab chiqarish bazalt xomashyosini chuqur qayta ishlashga asoslanadi, bu esa mahalliy issiqxona xo‘jaliklarini qishloq xo‘jaligi mahsulotlari hosildorligini oshirish uchun zarur bo‘lgan zamonaviy izolyatsiya materiallari bilan ta’minlash imkonini beradi.

Bundan tashqari, loyihaning amalga oshirilishi tashqi yetkazib berishlarga qaramlikni kamaytirgan holda import qilinadigan issiqlik izolyatsiyasi mahsulotlarini o‘rnini bosish imkoniyatini yaratadi. Ishlab chiqarilayotgan materiallar ham ichki, ham tashqi bozorlarga muvaffaqiyatli yetkazib berilishi kutilmoqda.