O‘zbekiston va Qozog‘iston o‘rtasidagi chegarada AI-92 benzinini noqonuniy yetkazib berish sxemasi aniqlandi va bartaraf etildi. Toshkent viloyatidan bo‘lgan tashkilotchilar Qozog‘iston fuqarosi bilan til biriktirib, qo‘lbola “quvur” orqali yoqilg‘ini yashirincha tashishni yo‘lga qo‘ygan.

Benzin quyish uchun O‘zbekistonning Qibray tumani va Qozog‘istonning Turkiston viloyati Sariog‘ash tumanini bog‘laydigan 300 metr uzunlikdagi shlangdan foydalanilgan. Qozog‘istondan keltirilgan yoqilg‘i O‘zbekiston hududida sotilgan.

Sxema tashkilotchilarini qo‘lga olish bo‘yicha qo‘shma operatsiyani O‘zbekiston va Qozog‘iston maxsus xizmatlari o‘tkazdi. Huquqni muhofaza qiluvchi organlarning hamkorligi noqonuniy “yo‘lak” faoliyatini tezda to‘xtatish imkonini berdi.

Yoqilg‘i narxlaridagi farq sxemaning tashkil etilishiga asosiy sabab bo‘ldi. 2024-yil oxirida Qozog‘istonda AI-92 benzinining narxi bir litr uchun 0,4 dollarni tashkil etgan, bu esa narxi 0,8 dollarga yetgan O‘zbekistondagiga qaraganda ikki baravar arzon bo‘lgan.