Ekologik vaziyatni yaxshilash va sog‘lom turmush tarzini qo‘llab-quvvatlash tashabbusi doirasida 25 iyun kuni Toshkent, Nukus va viloyatlar ma’muriy markazlarida “Avtomobilsiz kun” aksiyasi o‘tkaziladi.

Fuqarolar va davlat xizmatchilariga shaxsiy transportdan foydalanmaslik, jamoat transporti, velosiped yoki piyoda yurishni afzal ko'rish tavsiya etiladi.

Aksiya O‘zbekiston Respublikasi Prezidentining 2024-yil 21-fevraldagi “O‘zbekiston – 2030” strategiyasini amalga oshirishga oid Davlat dasturi to‘g‘risida”gi 37-son qarori asosida atrof-muhitga zararli chiqindilar, shovqin-suronning ifloslanishini kamaytirish va atrof-muhitga ehtiyotkorona munosabatni shakllantirishni nazarda tutuvchi har oyda o‘tkazilmoqda.