O‘zbekiston Tashqi ishlar vazirligida vazir o‘rinbosari O. Abdullayev Singapurning “Kingston International College” ta’lim muassasasi rahbariyati bilan uchrashuv o‘tkazdi. Mehmonlar sifatida kollej rahbari Benson Max Xok Onn va Avstraliyadagi filial direktori Uelli Valid Ruda tashrif buyurishdi.

“Kingston International College” biznes, turizm, mehmondo‘stlik, ijtimoiy xizmatlar va ingliz tilini o‘rgatish kabi sohalarda kasbiy ta’lim berish bilan shug‘ullanadi.

Uchrashuvda mehnat migratsiyasi sohasidagi hamkorlik istiqbollari, jumladan, O‘zbekiston fuqarolarini Avstraliyada tartibli ravishda ishga joylashtirish masalalari muhokama etildi. Tomonlar O‘zbekistonda fuqarolarni Okeaniya mamlakatlarida ishlashga tayyorlaydigan kollej o‘quv markazlarini tashkil etish bo‘yicha kelishuvga erishdilar.