Hindistonning Larsen & Toubro kompaniyasi Toshkentda birinchi ma’lumotlarni qayta ishlash markazini qurish ishlarini olib boradi. Bu haqda Construction World portali xabar bermoqda.

Loyiha sun’iy intellekt sohasidagi ishlanmalarni qo‘llab-quvvatlaydigan 10 megavatt quvvatga ega bo‘lgan inshootni barpo etishni ko‘zda tutadi. Qurilishning taxminiy qiymati 10 milliard rupiydan 25 milliard rupiygacha (taxminan 115,5-288,7 million AQSh dollari) atrofida bo‘lishi kutilmoqda.

Larsen & Toubro yangi markaz uchun loyihalash, qurilish va jihozlarni xarid qilish ishlarini o‘z zimmasiga oladi. Kompaniya muhandislik, texnologiya, qurilish va moliyaviy xizmatlar sohasidagi faoliyati bilan tanilgan.