Zarafshon milliy tabiat bog‘i hududiga o‘rnatilgan fotoqopqon noyob hayvon — cho‘l mushugini qayd etdi. Bu ehtiyotkor va yashirin yirtqich juda kamdan-kam hollarda kamera obyektiviga tushadi, shu bois olingan tasvirlar alohida ahamiyatga ega.

2018-yilda tashkil etilgan Zarafshon milliy tabiat bog‘i Samarqand viloyatining Jomboy va Bulung‘ur tumanlarida 240 ming gektardan ortiq maydonni egallaydi. Bu yerda sut emizuvchilarning 26 turi, qushlarning 218 turi, sudralib yuruvchilarning 10 turi, baliqlarning 18 turi va suvda ham quruqlikda yashovchilarning 2 turi mavjud.

Cho‘l mushugi O‘zbekistonning cho‘l va chala cho‘l hududlarida keng tarqalgan. U o‘simliklar qalin o‘sgan joylarni: daryo bo‘ylaridagi butazorlar, suv havzalari atrofidagi qamishzorlar va siyrak o‘rmonlarni ma’qul ko‘radi. Yashirin hayot tarzi tufayli bu yirtqich odamlarga kamdan-kam duch keladi, shuning uchun uning kamera obyektiviga tushishi olimlar va tabiat himoyachilari uchun muhim voqea hisoblanadi.