2024-yilda O‘zbekistonga pul o‘tkazmalari hajmi 14,8 milliard dollarga yetib, bu 2023-yilga nisbatan 29,8 foiz ko‘p bo‘ldi. Bu ma’lumotlar Markaziy bank hisobotida keltirilgan. Eng yuqori tushumlar iyul (1,78 milliard dollar) va avgust (1,55 milliard dollar) oylarida qayd etilgan, so‘ngra asta-sekin kamayib, dekabr oyida 1,07 milliard dollarni tashkil etgan.

O‘tkazmalarning asosiy qismi hamon Rossiyadan kelib, u yerdan 11,5 milliard dollar jo‘natilgan, bu o‘tgan yilgi ko‘rsatkichdan 29 foiz ko‘pdir. Biroq, Rossiyaning ulushi 78,2 foizdan 77 foizgacha pasaygan.

Boshqa yirik jo‘natuvchilar orasida Qozog‘iston 795 million dollar, AQSH 577 million dollar (+35%), Janubiy Koreya 534 million dollar (+56%), Turkiya 405 million dollar, Buyuk Britaniya esa 135 million dollar (+83%) o‘tkazgan. Umuman olganda, Yevropa Ittifoqi mamlakatlaridan pul o‘tkazmalari hajmi 32 foizga oshgan.