NUST MISIS Olmaliq filiali jamoasi BELAZ CHALLENGE 2025 muhandislik xalqaro chempionatida muvaffaqiyatli ishtirok etib, uchinchi o‘rinni egalladi. Belarusda o‘tkazilgan nufuzli musobaqada MDH davlatlaridan 10 ta jamoa ishtirok etdi. O‘zbekistonlik talabalar Ural davlat konchilik universiteti va Sibir federal universiteti jamoalarini ortda qoldirib, yuqori darajadagi tayyorgarlikni namoyish etdi. NUST MISIS Olmaliq filiali jamoasi bronza medallaridan tashqari “Eng kreativ video vizit karta”, “Ichki yonuv dvigatellari bo‘yicha ishni yechishning eng noan’anaviy yondashuvi”, “Talabalar ligasining e’tirofi” kabi maxsus nominatsiyalar bo‘yicha rekord miqdordagi g‘oliblikni qo‘lga kiritdi. Birinchi ikki o‘rinni Sankt-Peterburg konchilik universiteti va Kuzbass texnika universiteti egalladi.