Omskda ShHT mamlakatlari, jumladan, O‘zbekiston yoshlari xalqaro forumda kutmoqda 19-23 avgust kunlari Omsk shahrida “Rossiyaning madaniy poytaxti” dasturi doirasidagi muhim tadbirlardan biri bo‘lgan ShHT davlatlarining Xalqaro yoshlar forumi bo‘lib o‘tadi. Unda Shanxay hamkorlik tashkilotiga aʼzo davlatlar, jumladan, Oʻzbekiston yoshlari delegatsiyalari ishtirok etishi kutilmoqda. Forum ShHTning 2025-yil uchun e’lon qilingan Barqaror rivojlanish yili doirasida bo‘lib o‘tadi.Omsk viloyati gubernatori Vitaliy Xotsenko avvalroq mintaqaning ShHT mamlakatlari o‘rtasida umumiy iqtisodiy, ekologik, gumanitar va ijtimoiy muammolarni hal qilishda bo‘g‘inga aylanish istagi borligini ta’kidlagan edi. Forum arafasida, 16 aprel kuni Omsk shahrida Rossiya Federatsiyasining 11 viloyati va olti davlat, jumladan, O‘zbekiston vakillari ishtirokida 1-Xalqaro ShHT Barqaror rivojlanish forumi bo‘lib o‘tdi. Forumda yashil rivojlanish, kam uglerodli strategiyalar, iqlim o‘zgarishiga moslashish, mintaqaviy barqaror rivojlanish modellari muhokama qilindi.