Қозоғистон ташқи ишлар вазирининг биринчи ўринбосари Акан Раҳметуллин Финляндиянинг янги элчиси Жанне Хейсканендан ишонч ёрлиқларини олди.

Учрашувда икки томонлама ҳамкорликка оид кенг кўламли масалалар, жумладан, сиёсат, иқтисодиёт ва маданият масалалари муҳокама қилинди. Икки мамлакат ўртасидаги савдо ва сармоявий алоқаларни кенгайтиришга алоҳида эътибор қаратилди.

Қозоғистон ва Финляндия икки томонлама муносабатлар ва халқаро ташкилотлар доирасидаги ҳамкорликни янада ривожлантиришдан ўзаро манфаатдор эканликларини тасдиқладилар.

Раҳметуллин Финляндия элчисининг Қозоғистондаги ишига муваффақият тилади ва икки мамлакат ўртасидаги дўстона муносабатларни янада мустаҳкамлашга ишонч билдирди.

Сурат: ҚР ТИВ