Qirg‘iziston Respublikasi Iqtisodiyot va savdo vaziri Bakit Sidiqov “Eldik bank” OAJ va “MMI tadbirkorlikni rivojlantirish jamg‘armasi” OAJ bilan “Ayollar tadbirkorligini rivojlantirish” tashabbusi doirasida tadbirkor ayollarni imtiyozli kreditlash loyihasini ishga tushirish to‘g‘risida shartnoma imzoladi.
 
Dastur hududlarda ayollarning tadbirkorlik tashabbuslarini barqaror qo‘llab-quvvatlash va ularning moliyaviy resurslardan foydalanish imkoniyatlarini kengaytirishga qaratilgan.
 
Loyiha Osiyo taraqqiyot banki orqali Yaponiya qashshoqlikni qisqartirish jamg‘armasining moliyaviy ko‘magida amalga oshirilmoqda. Moliyalashtirish hajmi qaytarilmaydigan grant shaklida 40 million so‘mni tashkil etadi.
 
Qirg‘iziston viloyatlarida (Bishkek va O‘sh shaharlaridan tashqari) ishlayotgan tadbirkor ayollarga yillik 12 foizdan ko‘p bo‘lmagan stavkada 8 yilgacha muddatga imtiyozli kreditlar beriladi.
 
Hujjatlarni imzolash marosimida so‘zga chiqqan vazir Baxit Sidiqov dasturning ishga tushirilishi davlatimiz tomonidan ayollar tadbirkorligini rivojlantirish va qo‘llab-quvvatlash borasidagi yana bir muhim qadam ekanini alohida ta’kidladi.
 
Loyihani amalga oshirish muddatlari Qirg‘iziston Respublikasi Vazirlar Mahkamasining 2025 yil 14 fevraldagi 81-son buyrug‘i bilan tasdiqlangan.