Islomobodda Savdo-iqtisodiy va ilmiy-texnikaviy hamkorlik bo‘yicha Qirg‘iziston-Pokiston hukumatlararo komissiyasining 5-majlisi bo‘lib o‘tdi. Bu haqda Qirg‘iziston Respublikasi Iqtisodiyot vazirligi ma’lum qildi.

Qirg‘iziston Respublikasi delegatsiyasiga Vazirlar Mahkamasi raisi o‘rinbosari Edil Baysalov boshchilik qildi.

Tadbir davomida tomonlar ikki tomonlama sheriklikni kengaytirish, avval erishilgan kelishuvlarni amaliyotga tatbiq etish va ikki mamlakat ishbilarmon doiralari o‘rtasida ko‘plab sohalarda to‘g‘ridan-to‘g‘ri aloqalarni yo‘lga qo‘yish masalalarini muhokama qildi.

Uchrashuv yakunlari bo‘yicha Qirg‘iziston Respublikasi Iqtisodiyot va savdo vazirligi huzuridagi “Halol sanoatini rivojlantirish markazi” davlat muassasasi direktori Almaz Qayirbekov Pokistonning halol ma’muriyati bilan halol savdo sohasida o‘zaro anglashuv va hamkorlik memorandumini imzoladi.

Imzolangan kelishuv halol mahsulotlarni sotishdagi texnik to‘siqlarni kamaytirish, hamkorlik qilish va ikki davlatning halol sertifikatlashtirish organlarining o‘zaro tan olinishi, shuningdek, Qirg‘iziston Respublikasi va Pokiston Islom Respublikasi o‘rtasidagi iqtisodiy hamkorlikni chuqurlashtirish va strategik sheriklikni mustahkamlash uchun qulay shart-sharoitlar yaratishga qaratilgan.