19 aprel kuni Qirg‘iziston bo‘ylab keng ko‘lamli ekologik aksiya – “Milliy tozalik kuni” bo‘lib o‘tadi. Bu haqda Tabiiy resurslar vazirligi xabar berdi.

Aksiyadan ko‘zlangan asosiy maqsad chiqindilarni alohida yig‘ish madaniyatini jamiyatda ommalashtirish, fuqarolarning ekologik madaniyatini oshirishdan iborat.

“Ko‘chalaringiz, qishloqlaringiz, tumanlaringiz, viloyatlaringiz va butun mamlakatimiz musaffoligi har birimizga bog‘liq va barchangizni aksiyada faol ishtirok etishga taklif qilamiz”, — deyiladi xabarda.