Norin tumanidagi Qo‘chqor qishlog‘ida zamonaviy avtovokzal qurilishi davom etmoqda. Bu haqda Qurilish vazirligi matbuot xizmati xabar berdi.

Loyiha uy-joy-fuqaro qurilish boshqarmasi tomonidan amalga oshirilib, respublika byudjetidan moliyalashtiriladi. Ob'ektning umumiy qiymati 394 million so'mni tashkil etadi.

Umumiy maydoni 14 469 kvadrat metr bo‘lgan yangi avtovokzal ikki qavatli binodan iborat bo‘ladi. Qurilish ishlari zamonaviy andozalar asosida amalga oshirilib, yo‘lovchilarga qulaylik va xavfsizligini ta’minlashga qaratilgan.

Mazkur loyihani amalga oshirish hududning transport infratuzilmasini yaxshilashga qaratilgan.

11.09.2025 09:10:40