QOZOGISTON, 2025-yil 10-iyul – Karavan Info axborot agentligi.Qozog‘iston prezidenti Qosim-Jomart Tokayev Alemcloud milliy superkompyuter markaziga tashrif buyurib, u yerda NVIDIA H200 grafik protsessorlari asosidagi superkompyuterni ishga tushirish marosimida ishtirok etdi.

Oqorda matbuot xizmati xabariga koʻra, tizimni oʻrnatish va ishga tushirish Raqamli rivojlanish, innovatsiyalar va aerokosmik sanoat vazirligining yangi data-markazida xalqaro hamkorlar bilan birgalikda boʻlib oʻtdi.

Yangi superkompyuterlar klasteri FP8 hisoblash usulidan foydalangan holda 2 eksaflopsgacha ishlashga qodir, bu esa uni Markaziy Osiyo mintaqasidagi eng kuchli hisoblash yechimiga aylantiradi.

Tokayevning so‘zlariga ko‘ra, superkompyuterning ishga tushirilishi sanoatning asosiy tarmoqlarini raqamlashtirishda muhim qadam bo‘ladi.

Bundan tashqari, superkompyuter Qozog'istonga raqamli texnologiyalarni rivojlantirishda sezilarli yutuqlarga erishish imkonini beradi:
Neyron tarmoqlari yechimlarini ishlab chiquvchi startaplarga, universitetlarga, tadqiqot markazlariga, shuningdek, davlat va xususiy kompaniyalarga yuqori unumdor kompyuterlardan foydalanish imkoniyati beriladi.

Foto: Ochiq manbalar