Ostona, 2025 yil 23 iyul – Karavan Info axborot agentligi.Qozog‘iston Respublikasi Raqamli rivojlanish vaziri Jaslan Madiyev Vengriyaning 4iG Group texnologik xoldingi delegatsiyasi bilan uchrashuv o‘tkazdi. Muzokaralar chog‘ida tomonlar sun’iy yo‘ldosh qurish, Yerni masofadan turib zondlash va mutaxassislar tayyorlash sohasida hamkorlikda ish olib borish istiqbollarini muhokama qildi.

Uchrashuv yakunlari boʻyicha Qozogʻistonning “Kazakhstan Gharysh Sapary” kompaniyasi va Vengriyaning 4iG Space and Defense Technologies kompaniyasi oʻrtasida oʻzaro anglashuv memorandumi imzolandi. Hujjatda kosmik sohadagi loyihalarni amalga oshirish bo‘yicha qo‘shma ishchi guruh tuzish ko‘zda tutilgan.

Tashrif doirasida Vengriya delegatsiyasi Milliy koinot markaziga tashrif buyurib, u yerda Qozog‘istondagi ishlanmalar bilan yaqindan tanishdi. Uchrashuv yakunida tomonlar sentabr oyida Olmaota shahrida bo‘lib o‘tadigan SPACE DAYS KAZAKHSTAN 2025 xalqaro forumida vengriyalik hamkorlarning ishtirok etishiga kelishib oldilar.

Surat:MCRIAP RK