Raqamli texnologiyalar vaziri Sherzod Shermatov Huawei kompaniyasining Yaqin Sharq va Markaziy Osiyo mintaqasi bo‘yicha prezidenti Stiven Yi bilan uchrashuv o‘tkazdi. Uchrashuv AKT akademiyasining mintaqadagi faoliyati 10 yilligiga bag‘ishlangan tadbirlar doirasida bo‘lib o‘tdi.

Tomonlar O‘zbekistonda axborot-kommunikatsiya texnologiyalari sohasida yosh mutaxassislarni tayyorlash bo‘yicha samarali hamkorlikni muhokama qildilar.

Huawei kompaniyasining yoshlarga ilg‘or texnologiyalarni o‘zlashtirishda ko‘maklashadigan ta’lim tashabbuslariga alohida e’tibor qaratildi. Shuningdek, talabalarni AKTni o‘rganishga jalb etish hamda yosh mutaxassislarni o‘qitish va rivojlantirish uchun keng qamrovli tadbirlarni tashkil etish bo‘yicha hamkorlikni kengaytirish istiqbollari ko‘rib chiqildi.