Rossiyaning O‘zbekistondagi elchisi Oleg Malginov M.V.Lomonosov nomidagi Moskva davlat universitetining tashkil etilganiga 270 yil to‘lishi munosabati bilan tabrik yo‘lladi. U o‘z murojaatida universitetning nafaqat Rossiyada, balki uning tashqarisida ham ilm-fan, ta’lim va madaniyat rivojlanishiga qo‘shgan hissasining muhimligini ta’kidlab o‘tdi.

Imperatritsa Yelizaveta Petrovnaning farmoni bilan tashkil etilgan MDU ikki yarim asr mobaynida dunyodagi eng yirik va nufuzli universitetlardan biriga aylandi. Bugungi kunda uning tarkibiga ilmiy-tadqiqot institutlari, kafedralar, fakultetlar va filiallar, shu jumladan O‘zbekistondagi vakolatxona ham kiradi. Universitetda o‘n minglab talabalar tahsil oladi, o‘qituvchilar, olimlar va professorlar faoliyat yuritadi.

Oleg Malginov, shuningdek, universitetni 30 yildan ortiq davrdan buyon boshqarib kelayotgan MDU rektori Viktor Antonovich Sadovnichiyga alohida minnatdorchilik bildirdi. U Sadovnichiyning buyuk olim sifatidagi ko‘p yillik faoliyati Rossiya ilm-fani va ta’limi rivojiga salmoqli hissa qo‘shayotganini alohida ta’kidladi.