O‘zbekiston Prezidenti Shavkat Mirziyoyev Donald Trampga AQSh prezidenti lavozimiga rasman kirishgani munosabati bilan tabrik maktubini yo‘lladi.

Davlatimiz rahbari o‘z murojaatida Donald Trampning yangi muddatida AQShning xalqaro obro‘si va ta’siri o‘sishda davom etishiga, mamlakat iqtisodiy qudrati yanada mustahkamlanishiga ishonch bildirdi.

O‘zbekiston Prezidenti AQShning O‘zbekiston mustaqilligi, suvereniteti va hududiy yaxlitligini qo‘llab-quvvatlashga qaratilgan siyosatining muhimligini ta’kidladi. U Trampning birinchi muddati ikki davlat o‘rtasidagi strategik sheriklik uchun yangi imkoniyatlar davri bo‘lganini qayd etib, ham ikki tomonlama, ham ko‘p tomonlama platformalar doirasida uzoq muddatli hamkorlikni chuqurlashtirishga intilish bildirildi.

Shavkat Mirziyoyev, shuningdek, Donald Trampni O‘zbekistonga tashrif buyurishga taklif etib, oliy darajadagi samarali muloqotni davom ettirishga tayyorligini tasdiqladi.