O‘zbekiston Prezidenti Shavkat Mirziyoyev 30-yanvar kuni “Lukoyl” kompaniyasi asoschisi Vagit Alekperov bilan muzokaralar olib bordi. Energetika sohasidagi hamkorlikni yanada chuqurlashtirish istiqbollari, jumladan yangi konlarni qidirib topish va o‘zlashtirish, infratuzilmani modernizatsiya qilish hamda neft mahsulotlari savdo tarmog‘ini rivojlantirish masalalari muhokama qilindi.

Malakali kadrlar tayyorlash va yangi ish o‘rinlari yaratishga alohida e’tibor qaratildi. Shuningdek, aholini qo‘llab-quvvatlashga yo‘naltirilgan ijtimoiy dasturlarni amalga oshirish masalalari ham ko‘rib chiqildi. Uchrashuv davomida “Lukoyl” kompaniyasining O‘zbekistondagi faoliyatini kengaytirishga tayyor ekanligi ta’kidlandi.