O‘zbekiston Respublikasi Prezidenti Shavkat Mirziyoyev 22-yanvar kuni mamlakatimizga rasmiy tashrif bilan kelgan Rossiya Federatsiyasi mudofaa vaziri Andrey Belousov bilan uchrashdi. Suhbat boshida Rossiya harbiy idorasi rahbari Rossiya Prezidenti Vladimir Putinning salomi va samimiy tilaklarini yetkazdi.

Uchrashuvda asosiy e’tibor O‘zbekiston-Rossiya munosabatlarini keng qamrovli strategik sheriklik va ittifoqchilik doirasida mustahkamlash masalalariga qaratildi. Xususan, 2024-yil may oyida Rossiya Federatsiyasi Prezidentining O‘zbekistonga tashrifi davomida erishilgan kelishuvlarni amalga oshirish nuqtai nazaridan hamkorlikni yanada rivojlantirish yo‘nalishlari muhokama qilindi.