Transport vaziri o‘rinbosari Ilhomjon Abdug‘afforov Xitoy Kommunistik partiyasi kotibi Chen Guan boshchiligidagi Shinjon temir yo‘l va texnika kasb-hunar kolleji delegatsiyasi bilan uchrashuv o‘tkazdi.

Uchrashuvda transport va logistika sohasida yangi ta’lim dasturlarini yaratish hamda transport infratuzilmasini rivojlantirish masalalari muhokama etildi.

‘Buyuk ipak yo‘lining yuqori tezlikdagi temir yo‘l ustaxonasi»ni tashkil etish loyihasiga alohida e’tibor qaratildi. Ushbu loyiha “Xitoy — Qirg‘iziston — O‘zbekiston” temir yo‘lini qurish va foydalanish uchun mutaxassislar tayyorlash maqsadida Shinjon kolleji va Toshkent davlat transport universiteti o‘rtasidagi hamkorlikni nazarda tutadi.

Loyihaning maqsadi — ta’lim almashinuvini rivojlantirish va temir yo‘l sohasida yuqori malakali kadrlar tayyorlash uchun ikkala o‘quv muassasasining tajribasidan foydalanishdir.