Sirdaryo viloyati hokimi Akmaljon Mahmudaliyev lavozimidan ozod etildi. Qaror uning faoliyatidagi jiddiy kamchiliklar, xususan, investitsiyalarni jalb etish, qishloq xo‘jaligini rivojlantirish va boshqa muhim yo‘nalishlardagi nuqsonlar aniqlangandan so‘ng qabul qilindi.

Bu haqda O‘zbekiston Prezidenti Shavkat Mirziyoyev o‘tkazgan videoselektor yig‘ilishida ma’lum bo‘ldi. Uchrashuvda eksportni ko‘paytirish va investitsiyalarni jalb qilish bo‘yicha amalga oshirilgan ishlar natijalari muhokama qilindi hamda kelajak uchun strategik vazifalar belgilab olindi.