28-may kuni Prezidentning Jalolobod viloyatidagi vakolatli vakili Tilek Tekebaev Suzoq tumani Ko‘k-Art qishloq okrugi hududidagi “Xitoy-Qirg‘iziston-O‘zbekiston” temir yo‘l inshootlarida olib borilayotgan qurilish ishlarining borishi bilan tanishdi.

Ayni paytda temir yo‘l uchastkalariga elektr tarmoqlarini tortish bo‘yicha ishlarning 95 foizi bajarilgan.

Bundan tashqari, asosiy obyektlardan biri – 12 kilometr uzunlikdagi tunnel, shuningdek, ikkita ishchi shaharchasi, temir-beton konstruksiyalarni ishlab chiqaruvchi yangi zavod qurilishi jadal olib borilmoqda. Ishga 200 dan ortiq kishi va maxsus texnika jalb etilgan.

Tilek Tekebaev ekologik va sanitariya talablariga qat’iy rioya qilish, tozalikni ta’minlash va barcha qurilish ishlarini o‘z vaqtida yakunlash muhimligini ta’kidladi.