Tog‘-kon sanoati va geologiya vazirligida departamentlar, markaziy apparat boshqarmalari rahbarlari hamda Sanoat kooperatsiyasini mahalliylashtirish va rivojlantirish ilmiy-amaliy markazi xodimlari ishtirokida yig‘ilish o‘tkazildi. Vazir o‘rinbosari O‘.Yusupov rahbarligida markazning ish faoliyatini tashkil etish va kadrlar tayinlash masalalari ko‘rib chiqildi.

Muassasaning yangi direktori lavozimiga Murod Axtamovich Ilhomov tayinlandi. Uning fan, innovatsiyalar va mis, rangli, nodir hamda nodir yer metallarini qayta ishlash masalalari bo‘yicha o‘rinbosari etib Dilshodbek Abdurahimovich Xoldaraliyev belgilandi.

Yig‘ilishda markazning asosiy vazifalari muhokama qilindi, sohada mahalliylashtirish va sanoat kooperatsiyasini rivojlantirishning muhimligi alohida ta’kidlandi. Shuningdek, ishtirokchilar tog‘-kon sanoatida yuqori natijalarga erishish uchun hamjihatlikda ishlash zarurligiga e’tibor qaratdilar.