Dushanbe, 15 sentyabr – “Karavan Info” IA.12 sentabr kuni BMT Bosh Assambleyasi Falastin mustaqilligini qo‘llab-quvvatlovchi deklaratsiyani qabul qildi. Hujjatga 142 davlat, jumladan Tojikiston yoqlab ovoz bergan, Isroil va AQSh doxil 10 davlat qarshi ovoz bergan, 12 davlat betaraf qolgan.

Rezolyutsiya G‘azodagi urushni to‘xtatish va Isroil-Falastin mojarosini ikki davlat tamoyili asosida adolatli, tinch yo‘l bilan hal qilishga chaqiradi. Hujjatda, shuningdek, Xamas G‘azodagi hukmronligini tugatishi kerakligi qayd etilgan.

“Biz 7-oktabr kuni Xamas tomonidan tinch aholiga qarshi uyushtirilgan hujumlar, shuningdek, Isroilning G‘azodagi tinch aholi va infratuzilma ob’ektlariga qarshi harakatlari, gumanitar falokatga olib kelgan blokada va ocharchilikni qoralaymiz”, — deyiladi deklaratsiyada.

Isroil Tashqi ishlar vazirligi BMT Bosh Assambleyasini “haqiqatdan ajralgan siyosiy sirk” deb atadi.

Ochiq manbalardan olingan fotosurat