Dushanbe, 13 avgust – “Karvon info” AATojikiston Respublikasi Bosh prokuraturasi va Buyuk Britaniyaning Markaziy Osiyo aksilterror tarmog‘i o‘rtasida hamkorlik memorandumi imzolandi.

Hujjat Tojikiston Bosh prokurori Xabibullo Vohidzoda bilan Buyuk Britaniya va Shimoliy Irlandiyaning Tojikiston Respublikasidagi Favqulodda va muxtor elchisi Ketrin Smitson o‘rtasidagi uchrashuvda imzolandi.

Muzokaralar davomida tomonlar transmilliy jinoyatlarga qarshi kurashda ikki tomonlama hamkorlikni mustahkamlashning asosiy masalalarini, jumladan:

• xalqaro terrorizm,
• diniy va siyosiy ekstremizm,
• mintaqadagi milliy xavfsizlik va barqarorlikka tahdid soluvchi uyushgan jinoyatchilikning boshqa shakllari.

Tomonlar fikricha, Memorandum o‘zaro tajriba almashish, qo‘shma tadbirlar o‘tkazish, huquqni muhofaza qilish organlari faoliyatini muvofiqlashtirish, xavfsizlikni ta’minlash sohasida tahliliy-profilaktika ishlarini kuchaytirish uchun huquqiy va tashkiliy asos yaratadi.

Markaziy Osiyoning strategik muhim mintaqasida joylashgan Tojikiston xalqaro terrorizm va ekstremizm bilan bog‘liq muammolarga duch kelmoqda.

Xorijiy hamkorlar, jumladan, Buyuk Britaniya bilan hamkorlik milliy xavfsizlik tizimi samaradorligini oshirish va mamlakat manfaatlarini himoya qilishning asosiy vositalaridan biri sifatida qaralmoqda.

FOTO: NIAT “Xovar”